ക്യാന്‍സര്‍ വന്നാല്‍ എന്തു ചെയ്യണം?
സമ്പൂര്‍ണ പഠന സദസ്സ്
കൂത്താട്ടുകുളം വ്യാപാരഭവനില്‍
2015 ജൂണ്‍ 28 ഞായര്‍ രാവിലെ 9.30 മുതല്‍ 1.30 വരെ
ഉദ്ഘാടനം: ശ്രീ. എന്‍ പി പി നമ്പൂതിരി(ശ്രീധരീയം മാനേജിങ്‌ ഡയറക്‌റ്റര്‍ )
ക്ലാസ്സുകള്‍ :
ശ്രീ. മോഹനന്‍ വൈദ്യര്‍, ചേര്‍ത്തല - ആയുര്‍വ്വേദം
ശ്രീമതി. ഡോ. ആന്‍ ജോര്ജ്, കോട്ടയം മെഡിക്കല്‍ കോളേജ്‌
ശ്രീ. എം കുര്യന്‍, കോട്ടയം - പ്രകൃതി ജീവന ശാസ്‌ത്രം
സുഹൃത്തുക്കളേ,
ആര്‍ദ്രത ചാരിറ്റബിള്‍ ട്രസ്റ്റിന്റെ സാമൂഹിക പ്രവര്‍ത്തനങ്ങളുടെ ഭാഗമായി ജൂണ്‍ 28-നു് അര്‍ബുദ രോഗത്തെ നേരിടാനുള്ള പഠനസദസ്സ്‌ സംഘടിപ്പിക്കുകയാണ്‌.
ആധുനിക വൈദ്യ ശാസ്‌ത്രത്തിന്‌ കീഴ്‌പ്പെടുത്തുവാന്‍ കഴിയാത്ത രീതിയില്‍ അര്‍ബുദം അതിന്റെ മുഴുവന്‍ ഭീകരതയും പുറത്തുകാട്ടി മനുഷ്യ ജീവന്‌ വെല്ലുവിളിയായി താണ്ഡവനൃത്തമാടുന്ന ഒരു കാലഘട്ടമാണിത്‌. ഇന്ത്യയില്‍ ഓരോ വര്‍ഷവും പത്ത് ലക്ഷത്തോളം പേര്‍ അര്‍ബുദ ബാധിതരാകുന്നുണ്ടെന്നാണ് കണക്കുകള്‍. ഇവരില്‍ തന്നെ ആറു ലക്ഷം മുതല്‍ ഏഴ് ലക്ഷത്തോളം പേരാണ് ഓരോ വര്‍ഷവും രോഗം മുതല്‍ മരണമടയുന്നത്. മരണത്തെ മുന്നില്‍ കണ്ട്‌ ജീവിക്കുന്ന അര്‍ബുദ രോഗികളും ചികിത്സാ ചെലവിനാല്‍ സാമ്പത്തിക നില താളം തെറ്റിയ അവരുടെ കുടുംബങ്ങളും കേരളത്തിലിന്നു് വേദനിപ്പിക്കുന്ന നിത്യകാഴ്‌ചയായിരിയ്ക്കുന്നു.
ഇന്ന്‌ നാം ഏവരും ക്യാന്‍സറിന്റെ നിഴലിലാണ്‌. ജീവിതശൈലിയിലുണ്ടാകുന്ന വ്യതിയാനങ്ങളും പാരിസ്ഥിതിക മാറ്റങ്ങളുമാണ് അര്‍ബുദം വര്‍ദ്ധിക്കാനുള്ള കാരണമായി ചൂണ്ടിക്കാണിക്കുന്നത്. ആരംഭത്തിലാണെങ്കില്‍ ചികില്‍സിച്ചു ഭേദമാക്കാം.
രോഗം വരാതിരിക്കാനുള്ള സാഹചര്യമൊരുക്കാന്‍ ആരും ശ്രദ്ധിക്കാറില്ല. രോഗം വന്നു കഴിയുമ്പോള്‍ ചികിത്സിച്ച് മാറ്റാനാണ് കേരളീയര്‍ക്ക് താല്‍പര്യം. രോഗം വന്നിട്ടു് ചികിത്സിക്കുന്നതിനേക്കാള്‍ നല്ലതു് രോഗം വരാതെ സൂക്ഷിക്കുന്നതല്ലേ?
ഈ പഠനസദസ്സ്‌ ഇതിലേക്ക്‌ സഹായകരമാകുമെന്ന്‌ പങ്കെടുക്കുന്നവര്‍ക്ക്‌ ബോധ്യമാകും. അതുപോലെ രോഗം വന്നവര്‍ക്കും മറ്റെങ്ങും ലഭിക്കാത്ത ആശ്വാസകരമായ അറിവ്‌ ലഭിക്കും. അലോപ്പതി, ആയുര്‍വ്വേദം, പ്രകൃതി ശാസ്‌ത്രം എന്നീ വ്യത്യസ്‌ത വൈദ്യശാസ്‌ത്ര ശാഖകളിലെ പ്രഗത്ഭരായവര്‍ ക്ലാസ്സ്‌ നയിക്കുന്നു.
ആരോഗ്യപ്രദാനമായ ഉച്ചഭക്ഷണത്തോടെ അവസാനിക്കുന്ന ഈ ക്യാന്‍സര്‍ സമ്പൂര്‍ണ്ണ പഠനക്ലാസ്സില്‍ കുടുംബസമേതം പങ്കെടുത്ത്‌ അവസരം പ്രയോജനപ്പെടുത്താന്‍ എല്ലാവരെയും ക്ഷണിക്കുന്നു.
എന്ന്‌,
സ്വാഗതസംഘത്തിനു വേണ്ടി,
സി വി നീലകണ്ഠന്‍ നമ്പൂതിരി (പ്രസിഡന്റ്)
പി സി മേരി, പി ആര്‍ വിജയകുമാര്‍ (വൈസ് പ്രസിഡന്റുമാര്‍)
സി എ തങ്കച്ചന്‍ (ജനറല്‍ കണ്‍വീനര്‍)
എബി ജോണ്‍ വന്‍നിലം, ജോയ്സ് ജോര്ജ്,
വി എന്‍ ഗോപകുമാര്‍ (കണ്‍വീനര്‍മാര്‍)
ആദിത്യന്‍ നമ്പൂതിരി (ഖജാന്‍ജി)
No comments:
Post a Comment