Thursday, 25 June 2015

കൂത്താട്ടുകുളത്തു്‌ ക്യാന്‍സര്‍ പ്രതിരോധ പഠനസദസ്സ്‌ ജൂണ്‍ 28 ഞായറാഴ്‌ച


കൂത്താട്ടുകുളം — ക്യാന്‍സര്‍ വരാതിരിയ്‌ക്കാന്‍ എന്തുചെയ്യണമെന്നും വന്നാല്‍ എന്തുചെയ്യണമെന്നുമുള്ള വിഷയത്തില്‍ അലോപ്പതി, ആയുര്‍വേദം, പ്രകൃതിജീവനശാസ്‌ത്രം എന്നീ ചികില്‍സാശാഖകളിലെ വിദഗ്‌ദ്ധര്‍ പങ്കെടുക്കുന്ന പഠനസദസ്സ്‌ ജൂണ്‍ 28 ഞായറാഴ്‌ച രാവിലെ ഒമ്പതുമണി മുതല്‍ ഒന്നരവരെ കൂത്താട്ടുകുളം വ്യാപാരഭവന്‍ ഓഡിറ്റോറിയത്തില്‍ നടക്കും. ആര്‍ദ്രത ചാരിറ്റബിള്‍ ട്രസ്‌റ്റിന്റെ ആഭിമുഖ്യത്തിലാണു് പഠനസദസ്സ് സംഘടിപ്പിച്ചിട്ടുള്ളതു്.

ആര്‍ദ്രത ചാരിറ്റബിള്‍ ട്രസ്‌റ്റ്‌ പ്രസിഡന്റ്‌ സി.വി. നീലകണ്‌ഠന്‍ നമ്പൂതിരിയുടെ അദ്ധ്യക്ഷതയില്‍ ശ്രീധരീയം മാനേജിങ്‌ ഡയറക്‌റ്റര്‍ ഡോ. എന്‍.പി.പി. നമ്പൂതിരി പഠനസദസ്സ് ഉദ്‌ഘാടനം ചെയ്യും. അഡ്വ. ജോഷി ജേക്കബ്‌, ഡോ. കെ. ബിനോയ്‌, അഡ്വ ആല്‍ബര്‍ട്ട്‌ മാത്യു എന്നിവര്‍ ആശംസയര്‍പ്പിച്ചു് പ്രസംഗിയ്‌ക്കും. മോഹനന്‍ വൈദ്യര്‍ (ആയുര്‍വേദം), കോട്ടയം മെഡിക്കല്‍ കോളെജിലെ ഡോ.ആന്‍ ജോര്‍ജ്‌ (അലോപ്പതി), എം. കുര്യന്‍ (പ്രകൃതിജീവന ശാസ്‌ത്രം) എന്നിവര്‍ ക്ലാസ്സുകള്‍ നയിയ്‌ക്കും. ഉച്ചയ്ക് ഒന്നരയ്‌ക്കു്‌ ഉച്ചഭക്ഷണത്തോടെ സമാപിയ്‌ക്കും.

പഠനസദസ്സിന്റെ നടത്തിപ്പിനായി സി എ തങ്കച്ചന്‍, പി.സി. മേരി, എബി ജോണ്‍ വന്‍നിലം, ആദിത്യന്‍ നമ്പൂതിരി, പി ആര്‍ വിജയകുമാര്‍, ജോയ്‌സ്‌ ജോര്‍ജ്‌, അഡ്വ. ജയ്‍മോന്‍ തങ്കച്ചന്‍, സാജു പള്ളിവാതുക്കല്‍, വി.ജെ ജോസഫ്‌, ജെയിംസ്‌ പി.റ്റി., റോയ്‌ ചുമ്മാര്‍, ജോസഫ് ജോര്‍ജ്, കെ ആര്‍. വിജയന്‍, ഹരി സി.എന്‍ എന്നിവര്‍ ഉള്‍പ്പെടുന്ന 25 അംഗ സ്വാഗത സംഘം പ്രവര്‍ത്തിയ്‌ക്കുന്നുണ്ടു്‌.



No comments:

Post a Comment